Fyrrverandi klámstjarnan og ketó drottningin Jenna Jameson tók sér pásu frá ketó í lok síðasta árs. Fyrir það var hún á ketó í eitt og hálft ár og missti tæplega 40 kíló. Hún var dugleg að deila fyrir og eftir myndum á Instagram og alls konar ráðum tengdum ketó-lífsstílnum.

Í ketópásunni sinni þyngdist hún um níu kíló.

„Þyngdin kom hratt og ákaft til baka. Ég veit um marga sem eru að hætta á ketó því það er erfitt að viðhalda því og eftir eitt og hálft ár er ég sammála. Ég er ekki viss um hvort ég fari aftur alveg á ketó eða telji bara kaloríur. Hvað finnst ykkur?“ Sagði hún um ketópásuna.

Um miðjan desember 2019 ákvað hún að byrja aftur á ketó en ekki alveg hundrað prósent ketó.

„Ókei þetta er byrjunarpunkturinn. Ég hef ákveðið að vera á ketó sex daga vikunnar og leyfa mér að borða hvað sem er einn dag í viku, fyrir utan unninn sykur og unna matvöru. Ég er núna tæp 66 kíló og ég vona að ég grennist og finni fyrir þessum fallega ketó skýrleika í hausnum!“ Skrifaði hún á Instagram, en hún ætlar að sjálfsögðu að leyfa fylgjendum sínum að fylgjast með ferlinu eins og hún hefur gert hingað til.

Nú hefur Jenna gefið uppfærslu á hvernig henni gengur á „semi-ketó.“

„Þá er ég búin að missa 4,5 kíló,“ segir hún og bætir við að það gangi ekki eins hratt að léttast eins og áður því hún sé ekki alveg ketó. „Ég leyfi mér ennþá suma hluti eins og lágkolvetnabrauð, suma ávexti og stundum núðlusúpu.“

https://www.instagram.com/p/B8SFuKghDSO/