fbpx
Þriðjudagur 19.janúar 2021
Matur

Svona býrðu til þrefalda marengstertu með ís á milli – Fullkominn jólaeftirréttur

Una í eldhúsinu
Miðvikudaginn 16. desember 2020 19:30

Mynd/Aðsend

Ekki missa af Helstu tíðindum dagsins í pósthólfið þitt

Lesa nánar

Una Guðmundsdóttir, sérlegur matgæðingur DV, er ekki hætt að baka og segir heimabaksturinn fína sárabót fyrir jólaboð. Allra nánustu geti vel gætt sér á heimabakstri með jólalegu ívafi og horft saman á huggulega jólamynd.

Þessi kaka er tilvalin til þess að hafa í eftirrétt yfir hátíðirnar. Það sem er þægilegt við hana er það að hægt er að útbúa hana með fyrirvara og geyma í frysti. Ég mæli hins vegar með því að þeyta rjómann og setja ávextina ofan á kökuna samdægurs.

6 eggjahvítur

320 g sykur

2 tsk. vanilludropar

200 ml rjómi

2 lítrar ís (ég notaði ís ársins með Sambó-lakkrís)

Fersk ber og ávextir að eigin vali (ég notaði mandarínur, brómber, hindber og jarðarber)

Smá suðusúkkulaði og flórsykur til að skreyta með.

Byrjið á því að stilla ofninn á 160 gráður, undir- og yfirhita.

Þeytið saman eggjahvíturnar og sykurinn þar til að hægt er að hvolfa skálinni án þess að blandan leki til, bætið þá vanilludropunum saman við og hrærið saman.

Myndið þrjá hringi á þrjár bökunarpappírsarkir og setjið inn í ofn og bakið í 35 mínútur.

Takið botnana úr ofninum og leyfið þeim að kólna vel áður en ís og rjómi er settur á botnana.

Þegar botnarnir hafa fengið að kólna er rjóminn þeyttur og settur til hliðar.

Byrjið að leggja ískúlur á neðsta botninn, setjið ávexti að vild og leggið svo annan botninn ofan á, endurtakið og leggið ís og ávexti á þennan botn líka, ef að þið ætlið að nota mandarínur, mæli ég með að setja þær eingöngu á toppinn á kökunni.

Leggið rjómablönduna svo ofan á toppinn á kökunni, setjið fleiri ávexti og saxið suðusúkkulaði og flórsykur aðeins yfir til að skreyta.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Matur
Fyrir 4 vikum

Hátíðarleg vínarterta að hætti Karítasar Hörpu

Hátíðarleg vínarterta að hætti Karítasar Hörpu
Matur
19.12.2020

Þetta borðar Karítas Harpa á venjulegum degi

Þetta borðar Karítas Harpa á venjulegum degi
Matur
25.11.2020

Gómsæt þakkargjörðarmáltíð – Fylltir kalkúnaleggir, sætar kartöflur og trönuberjasulta

Gómsæt þakkargjörðarmáltíð – Fylltir kalkúnaleggir, sætar kartöflur og trönuberjasulta
Matur
24.11.2020

Lágkolvetnamorgunverður Ágústu – „Ég mæli með að þú prófir“

Lágkolvetnamorgunverður Ágústu – „Ég mæli með að þú prófir“