Una Guðmundsdóttir elskar allt með bræddum osti. Hver gerir það ekki? Hér er hún með uppskrift af öðruvísi fylltu snittubrauði sem er dásamlegt að hafa sem meðlæti með hvers konar pastaréttum eða bara öllu því sem þér dettur í hug.

Snittubrauð fyllt með tómötum, hvítlauk og basilíku

1 stk. snittubrauð

1 stk. hvítlauksgeiri

1 stk. tómatur

Handfylli af ferskri basilíku

2 msk. smjör

Rifinn ostur

Gróft sjávarsalt

Aðferð: 

Byrjið á því að bræða smjör í potti, leyfið því aðeins að kólna.

Setjið hvítlaukinn í hvítlaukspressu og blandið honum saman við smjörið

Skerið nokkrar djúpar rákir í snittubrauðið og smyrjið það að utan og inn í rákirnar með hvítlaukssmjörinu.

Skerið tómat í þunnar sneiðar og setjið um það bil tvær sneiðar í hverja rák.

Stráið rifnum osti yfir snittubrauðið, setjið það í ofninn við 200 gráður í um 15 mínútur

Þegar brauðið er tekið úr ofninum eru basilíkulauf sett í rákirnar og stráð aðeins yfir ásamt grófu salti.