Í gærkvöldi birtist frétt á mbl.is er varðaði Samtök grænkera og veganúar, sem stendur yfir núna í janúar. Í fréttinni var talað við formann samtakanna, Valgerði Árnadóttur, auk þess mátti sjá ljósmyndir frá veganúar-fundi sem fram fór í gærkvöldi.

Facebook-síða mbl.is deildi fréttinni, ásamt textanum „Ætlar þú að taka þátt í Veganúar?

Færslan vakti heldur betur upp hörð viðbrögð, en þegar þessi frétt er skrifuð hafa hátt í 160 manns birt ummæli við færsluna. Mörg ummælin sína fram á einhverja reiði og óánægju með vegan-lífsstílinn.

Í sumum ummælunum er grænkerum líkt við öfgahópa, annars staðar eru þeir sagðir reyna að troða lífsstíl sínum í aðra og enn aðrir óttast um heilsu þeirra.

Hér að neðan má sjá nokkur ummæli sem sjá má undir færslu mbl.is.

„Ég borða mitt heilsufæði alhliða hollan Íslenskan mat. Þegar læknar vara við svona fóbíum finnst mer fólk eiga hlusta! Það veikjast nógu margir af óviðráðanlegum ástæðum en að búa þær sjálfur til af kjánagangi ..er langt gengið! ….Og læknum ber saman um eftir 2ja ára vegan fæði er heilsan farin!“

„Nei held nú síður en fólki er velkomið að gera það mín vegna. Bara ekki vera þröngva þessu bulli upp á mig og mína.“

„Þetta er ótrúlegt, er eitthvað betra að framleiða heilu akrana af soja eða hvað sem þetta jukk heitir og flytja svo þetta svo inn en að nota Íslenskan mat. Skil það ekki.“

„Kannski er það bara ég en mér finnst að fólk sem eru vegan hafa ekki heilbrigt útlit, á eftir að sjá vegan með „hraustlegt“ útlit.“

„Nei ég hugsa um kolefnissporið og ét mitt eigið kjöt með kartöflum og grænmeti úr héraði.“

„Nei takk, þetta vegan lið getur bara, verið úti á túni að bíta gras, það er óþolandi þegar vegan pakkið er að reyna að troða sínu yfir alla aðra.“

„Þetta lið er ekki í lagi. Ekki séns að ég gæti unnið mína vinnu og éta bara grænfóður“

„Myndi vilja að veganistar myndu láta aðra í friði, éta bara sjálfir það sem þeir vilja og skipta sér ekki að mataræði annarra. Eða er það til of mikils mælst?“

„Nei takk látið okkur kjötæturnar vera.“

„Öfgasamtök? Er að þróast þangað.“

„Fyrr myndi ég hoppa út úr flugvél í 30,000 fetum.“

„Lattu mig ekki kasta upp.“

„Sértúaflokkur OMG.“

„Hvað eigum við að gera við öll dýrin ef ekki má lóga þeim. það yrði fljótlega ekki þverfótað fyrir þeim.“

„Forðast öfgahópa.“

„Já ég er pirraður á því hvernig þessar grasætur reyna að þvinga sinni sérvisku upp á heilbrigt borðandi fólk.“