Athafnamaðurinn Sigmar Vil- hjálmsson, betur þekktur sem Simmi Vill, er mikill áhugamaður um mat og eldamennsku. Hann ætlar að nýta sumarið og grilla í góða veðrinu. Hann deilir hér uppskrift að gómsætu meðlæti.

Sjá einnig: Þetta borðar Simmi Vill á venjulegum degi

Gómsætt grillmeðlæti

Uppskriftin mín er salat og sósa, sem hentar öllum grillmat.

Brokkólísalat

Hráefni:

• 2 bollar ferskt brokkólí
• Rauðlaukur
• 4 sneiðar eldað beikon
• Rifinn gráðaostur, eftir smekk
• Hnetur að vild
• Salt og pipar

Aðferð:

1. Skerið ferska brokkólíið og rauðlaukinn smátt.
2. Eldið beikonið þar til það er stökkt og saxið.
3. Rífið gráðaost eftir smekk og blandið öllu saman í skál ásamt hnetunum.
4. Að lokum er salti og pipar bætt við eftir smekk.

Salatið hentar með öllu grillkjöti.

Hvítlauks-ostasósa

Hráefni:

• 6 msk. majónes eða 3 msk. majónes á móti 3 msk. af sýrðum rjóma
• Einn hvítlauksgeiri
• Heill poki af rifnum pizzaosti
• Salt og pipar

Aðferð:

1. Saxið hvítlaukinn mjög smátt.
2. Blandið öllu vel saman.
3. Saltið og piprið eftir smekk.

Þessi sósa er sérlega góð inn í heita kartöflu, því osturinn bráðnar.