Það getur verið erfitt fyrir grænmetisætur að bjóða kjötelskandi vinum sínum í matarboð því kjötæturnar eiga það til að vera afar dómharðar á grænmetisrétti.
Við á DV höfum fundið rétt sem er tilvalin fyrir bæði kjötætur og grænmetisætur. Um er að ræða svartbaunaborgara sem er hreint lostæti en hér fyrir neðan má sjá uppskriftina fyrir þennan geggjaða borgara.
Ef það á að grilla borgarann þá skal byrja á því að kveikja á grillinu og setja það á háan hita. Ef þið viljið baka borgarann þá skal hita ofninn í 190 gráður.
Grænmetisborgarar eiga það stundum til að vera frekar slepjulegir. Ef þú vilt ekki slepjulegan borgara þá er tilvalið að skella baununum á bökunarpappír og skella þeim inn í ofninn þangað til þær hafa þornað. Um það bil 10-15 mínútur ættu að duga. Baununum er síðan skellt í skál og þær stappaðar saman.
Þá er grænmetið skorið niður og það allt sett saman í matvinnsluvél. Grænmetinu er síðan blandað við baunirnar.
Hrærið saman egg, kryddin og sósuna í lítilli skál. Blandið því síðan saman við baunirnar og grænmetið.
Því næst er brauðmylsnunni blandað saman út í þetta allt saman. Hrærið blönduna saman þangað til hún er orðin vel klístruð og helst almennilega saman. Þessu er síðan skipt niður í fjóra borgara.
Ef þið ætlið að grilla borgarana þá skal setja smá olíu á álpappír og grilla borgarana á álpappírnum í um það bil 8 mínútur á hvorri hlið.
Ef þið ætlið hins vegar að baka borgarana þá setjiði þá á bökunarpappír og inn í ofn og bakið í um það bil 10 mínútur á hvorri hlið.
Síðan setjiði bara ykkar uppáhalds álegg á borgarann og njótið!
