Verkfræðingurinn Mark Rober hefur vakið talsverða athygli fyrir nýjustu tilraun sína sem hann fer ítarlega yfir í myndbandi á YouTube. Mark ákvað að reyna að svara þeirri spurningu hvort hægt væri að búa til heimsins stærstu sundlaug úr hlaupinu Jell-O, sem oft er notað í eftirrétti.
Þetta hljómar kannski eins og einföld tilraun en leynir á sér, þar sem Mark þurfti að byrja á því að fylla sundlaug af vatni og sjóða það, blanda síðan hlaupinu saman við og gera tilraunina á þeim tíma árs þar sem veðrið væri best svo hlaupið myndi ekki storkna eða frjósa.
Myndbandið, sem er ansi fróðlegt, má horfa á hér fyrir neðan. Tilraunin tókst vel og hefur hann á orði að það að synda í hlaupi sé líkt og að synda í hori.