„Í mínu tilfelli var það þannig svona undir lokin að ég vann myrkranna á milli, alveg fleiri hundruð klukkutíma í mánuði, tók sjaldan frí og gat ekki borgað mér laun. Þannig að það fór eiginlega svona botninn af ástæðunni fyrir því að vera að reka veitingastað,“ segir Sveinn Kjartansson matreiðslumeistari en hann er að loka veitingastað sínum Aalt Bistro í Norræna húsinu.

Þetta kemur fram í fréttaskýringaþættinum Kveikur sem er á dagskrá RÚV í kvöld.

Sveinn er búinn að segja upp öllu starfsfólkinu og hann lýsir tilfinningnum sem vöknuðu við það að kveðja hvern og einn.

Sveinn segir að forsendur fyrir rekstri einstaklinga á veitingahúsum sé brostinn. Erfitt sé að hagræða og milliliðir í ferðaþjónustu stjórni því hvaða veitingahús ferðamenn velji. Sveinn bendir á að ekki sé hægt að reka veitingastað á afsláttarkjörum enda sé ekki gefinn afsláttur af öðrum rekstrarkostnaði.

Sveinn segir enn fremur:

„Ég held að flestir veitingamenn eða matreiðslumenn sem opna veitingastað séu að gera það til þess að fá að leika sér og fá að skapa. Svo er það náttúrlega þetta grunnatriði að sjá sér lífsviðurværis.“