Scientific Reports gaf út rannsóknina í vikunni en þar segir að kaffi geti örvað svokallaða „brúna fitu“. Þessi „brúna fita“ er fitan í líkamanum sem heldur á manni hita með brennslu á kaloríum.
Niðurstöður rannsóknarinnar sýna að koffínið geti örvað „brúnu fituna“ til að mynda hita og brenna kaloríur í leiðinni.
Dr. David Agus útskýrði þetta betur í sjónvarpsþættinum CBS This Morning.
„Markmiðið er að örva þessa brúnu fitu. Hreyfing örvar brúna fitu. Góður nætursvefn örvar brúna fitu. Núna vitum við að koffín eða kaffi getur gert það sama.“
En það er þó hægt að fá of mikið af því góða.
„Ekki drekka meira en þrjá bolla á dag, meira er ekki betra.“
