Það er alltaf gaman að breyta til í bakstrinum, en þessar heilhveitivöfflur renna svo sannarlega ljúflega niður.
Hráefni – Vöfflur:
3 bollar heilhveiti
2 tsk. sjávarsalt
4 tsk. lyftiduft
1 bolli olía
2 egg
2 bollar mjólk (+ 2 msk.)
2 msk. brætt smjör
2 tsk. vanilludropar
4 msk. sýrður rjómi
Hráefni – Karamelluepli:
2 epli (skorin í sneiðar)
1 msk. smjör
2 msk. púðursykur
1 tsk. rjómi
1 tsk. vanilludropar
Hráefni – Sætur rjómaostur:
1 bolli mjúkur rjómaostur
8 msk. hlynsíróp
2 tsk. vanilludropar
Aðferð:
Byrjum á vöfflunum. Blandið öllum þurrefnum saman í skál og setjið til hliðar. Blandið olíu, eggjum, mjólk, smjöri, vanilludropum og sýrðum rjóma vel saman í annarri skál. Blandið þurrefnunum varlega saman við og passið að hræra ekki of vel saman, bara rétt þangað til allt er búið að blandast. Skellið í vöfflujárnið og búið til karamellueplin á meðan vöfflurnar bakast.
Bræðið smjör og púðursykur saman á pönnu yfir meðalhita. Þegar blandan byrjar að sjóða hellið þið rjómanum saman við og slökkvið á hellunni. Síðan blandið þið vanilludropunum saman við og loks er eplunum velt upp úr blöndunni. Leyfið þessu að malla á heitri hellunni (ekki kveikja samt aftur á henni) á meðan þið gerið vöfflurnar, eða þar til eplin eru orðin mjúk viðkomu.
Til að búa til sæta rjómaostinn er öllum hráefnum blandað vel saman og borið fram með vöfflunum og eplunum.
