Á mínu heimili elska allir bananabrauð og ég er mjög dugleg að verða við þeirri beiðni að baka fyrir fjölskulduna þetta einfalda en sjúklega góða bananabrauð.
En ég fékk þessa uppskrift fyrir nokkrum árum hjá vinkonu minni og ég kalla þetta alltaf “Bananabrauð Írisar” … einfaldlega BEST!
1 bolli / 2dl sykur
1 egg
2-3 bananar (fer eftir stærð banananna og þroska)
2 bollar / 4dl hveiti
1 tsk lyftiduft
1 tsk matarsódi
Sykur & egg þeytt saman – hér er lykilatriði að þeyta þetta mjög vel
Bananar stappaðir og bætt út í
Þurrefnum er svo öllum blandað saman við
Hrært vel
Bakað við 150°C í 50mín
Mér finnst orðið miklu skemmtilegra að setja þetta í hring form, þá verða sneiðarnar aðeins minni þegar brauðið er skorið. Þá borða allir minni skammta og brauðið endist lengur.
Eitt að lokum… ef bananarnir eru mjög þroskaðir og ég nota til dæmis þrjá, þá minnka ég sykurinn í uppskriftinni á móti og nota jafnvel sukrin til þess að gera þetta í hollara lagi;)
Verði ykkur að góðu!
