Veðurspáin lítur ekkert sérstaklega vel út og því ærin ástæða til að vera bara inni og hafa það kósí. Þá er til dæmis hægt að baka, en þessi jarðarberjakaka ætti að gera lífið aðeins betra.
Kaka – Hráefni:
115 g brætt smjör, kælt aðeins
½ bolli púðursykur
1½ bolli hveiti
½ tsk. matarsódi
½ tsk. lyftiduft
¼ tsk. salt
Fylling – Hráefni:
150 g mjúkur rjómaostur
10 jarðarber, skorin í litla bita
½ bolli sýrður rjómi
¼ bolli sykur
1 msk. hveiti
1 egg
½ tsk. vanilludropar
Aðferð:
Hitið ofninn í 190°C og takið til form sem er 20×20 sentímetra stórt. Klæðið það með álpappír og smyrjið með smjöri eða spreyið með bökunarspreyi. Byrjið á kökudeiginu. Blandið hveiti, púðursykri, matarsóda, lyftidufti og salti saman í skál. Bætið smjörinu saman við og hrærið þar til blandan minnir á mulning. Takið ¼ af blöndunni frá og setjið til hliðar. Hellið restinni í formið og þrýstið í botninn.
Svo er það fyllingin. Blandið rjómaosti og jarðarberjum vel saman. Blandið sýrðum rjóma, sykri, hveiti, eggi og vanilludropum saman í stórri skál og dreifið yfir botninn. Dreifið síðan úr rjómaostablöndunni yfir það og notið gaffall til að hræra þessu létt saman. Loks er kökudeiginu sem þið settuð til hliðar drissað yfir. Bakið í 25 til 28 mínútur og kælið alveg áður en borið er fram.
