Eva Laufey Kjaran Hermannsdóttir er einn þekktasti matgæðingur landsins, en nýlega bauð hún upp á dásamlega Rocky Road-súkkulaðibita í þætti sínum á Stöð 2, Einfalt með Evu.
Við fengum leyfi hjá þessari smekkkonu að birta uppskriftina, og varla annað hægt en að fyllast girnd í þessa bita.
Hráefni:
100 g mini sykurpúðar
200 g dökkt súkkulaði
200 g mjólkursúkkulaði
100 g ristaðar pekanhnetur
100 g ristaðar möndlur
100 g Nóa kropp
100 g rjóma karamellukúlur
Aðferð:
Bræðið súkkulaði yfir vatnsbaði. Saxið niður pekanhnetur. Setjið sykurpúða, helst litla, nóa kropp, karamellukúlur, ristaðar möndlur og pekanhnetur í pappírsklætt bökuform. Hellið súkkulaðinu yfir og inn í kæli þar til súkkulaðið er orðið stíft.
