Vermir sf. er gamalgróið pípulagningarfyrirtæki á Húsavík. „Við erum mest í að sjá um pípulagnir hér í bænum og á svæðinu hér í kring og fólk leitar til okkar því það veit að við erum traustir og skilum verkinu af okkur vel og vandlega unnu,“ segir Hallgrímur J. Sigurðsson, eigandi Vermis sf.
Fyrirtækið sinnir öllu sem viðkemur pípulögnum á heimilum, stofnunum og fyrirtækjum. „Við erum í efnissölu, vinnum við nýlagnir, viðgerðir og breytingar, allt eftir því sem hentar. Einnig sjáum við um sölu á hreinlætistækjum, blöndunartækjum og fleiru fyrir Tengi ehf.“
Mikil reynsla og þekking
Starfsmenn Vermis sf. eru fimm talsins ásamt Hallgrími. „Hjá okkur starfa fulllærðir pípulagningameistarar, verkamenn og nemar, flestir með gríðarlega reynslu á bakinu.“ Fyrirtækið stofnaði Hallgrímur með föður sínum árið 1976 sem hafði þá starfað við pípulagnir í fjölda ára, og segir hann margt hafa breyst í pípulagningabransanum síðan þá.
„Sjálfur hef ég verið í þessu í fjölda ára og séð margar breytingar. Menn eru að nota miklu léttari og betri efni í dag, eins og plast og þess háttar í staðinn fyrir þungan málm sem á það til að ryðga. Það er líka meira hreinlæti í nýju efnunum, engar olíur og þvíumlíkt.“
Nánari upplýsingar má nálgast á www.vermir.is og Facebook-síðunni: Vermir sf.
Stórhóll 9, 640 Húsavík
Sími: 898-5513