„Við leggjum mikla áherslu á góðan skyndibita á góðu verði, úr besta mögulega hráefni. Allt kjötið okkar kemur frá SS, fyrsta flokks nautakjöt og beikon. Síðan erum við með McCain-kartöflur,“ segir Pétur Smárason, eigandi Snælands.
Þetta gróna fjölskyldufyrirtæki var stofnað árið 1985 en Pétur hefur fylgt því frá upphafi og er hvergi nærri hættur. Í upphafi var mikil áhersla á vídeó en núna er það úr sögunni og staðir Snælands eru í dag vinsælir skyndibitastaðir með áherslu á grillrétti og góðan ís frá Kjörís.
Í hamborgurum kappkostar Snæland að tefla saman gæðum og mjög hagstæðu verði. Það eru því margir sem koma í hádegismat og kvöldmat á Snæland, jafnt vinnandi fólk sem skólakrakkar. „Mér finnst ég sjá nýtt fólk á stöðunum daglega og þetta er ansi breiður hópur sem sækir í góða máltíð á góðu verði, fyrir svo utan það að við kappkostum að veita góða þjónustu,“ segir Pétur brosandi. Á mynd hér má sjá Viggó, son Péturs, og eru þeir feðgar með mikla ástríðu fyrir góðum borgara.
Vinsælustu hamborgararnir á Snælandi eru ostborgari, beikonborgari og lúxusborgari en á þeim síðastnefnda er hvort tveggja egg og beikon. Sem dæmi um hagstætt verð hjá Snælandi er ostborgaramáltíð á aðeins 1.190 krónur en innifalið í henni er ostborgari, franskar og gos að eigin vali, en allt gos kemur frá Ölgerðinni.
Snælandsstaðirnir eru tveir, annar er að Núpalind 1 í Kópavogi og hinn er að Laugavegi 164 í Reykjavík. Staðirnir eru báðir opnir frá 10 til 23 alla daga vikunnar.
