Veislumiðstöðin, Borgartúni 6
„Hann afi er í essinu sínu á þessum árstíma og búinn að setja mikinn mat í súr, hann smakkar þetta af og til og er mjög ánægður með útkomuna,“ segir Ámundi Óskar Johansen, veitingamaður í Veislumiðstöðinni, en þar standa þrjár kynslóðir veitingamanna vaktina, auk Ámunda eru það afi hans, Sveinn Valtýsson, og faðir hans, Karl Jónas Johansen.
Afar mikið er að gera í Veislumiðstöðinni nú í aðdraganda þorrans og eru um 1000 manns með pantaðar veitingar í stórar og smáar þorraveislur. En það er enn opið fyrir pantanir: „Við getum alltaf á okkur blómum bætt,“ segir Ámundi.
Meðal þorrarétta sem í boði eru má nefna þennan súrmat: Lundabaggar, hrútspungar, hvalrengi, lifrarpylsa og blóðmör; meðal nýmetis eru úrvals síldarréttir, fallegir sviðakjammar, sviðasulta, hákarl, harðfiskur, norðlenskt hangikjöt og gæða saltkjöt. Auk þess er í boði villikryddaður lambapottréttur með kartöflusalati og fersku salati.
Veislumiðstöðin sér fyrir mat á fjölmörgum stórum þorrablótum víðs vegar um höfuðborgasvæðið auk þess sem fyrirtækið leigir út frábæra veislusali í gömlu Rúgbrauðsgerðinni að Borgartúni 6, Reykjavík. En Veislumiðstöðin sinnir ekki síður smærri þorraveislum:
„Við sendum gjarnan mat í smærri fyrirtæki sem eru með veislur fyrir starfsmenn sína, oft bara 20–30 manns. Þá eru þetta svona nett þorraborð fyrir góðan hóp, valið af stóru hlaðborði á þorrafat, svona bestu bitarnir, eins og maður segir. Þetta er gjarnan ákveðið bara í góðu samtali, farið yfir hvað fólk vill fá. Smekkurinn er misjafn, sumir vilja fara alla leið í þorramatnum en aðrir vilja bara létta þorrastemningu,“ segir Ámundi.
Til að panta þorraveislur, stórar eða smáar, er best að hringja í síma Veislumiðstöðvarinnar, 517 0102, eða senda tölvupóst á netfangið panta@veislumidstodin.is. Bæði er hægt að senda pantanir eða fyrirspurnir og öllu er svarað hratt og vel.
