Vinnulyftur ehf er söluaðili tveggja afar vinsælla tegunda af vinnulyftum; annars vegar er þar um að ræða skæralyfturnar Skyjack sem eru mest seldu rafmagnsskæralyftur heims; hins vegar eru það Niftylift vinnulyftur sem eru rótgróið og vinsælt merki á markaðnum. Hvað Skyjack varðar þá flytja Vinnulyftur bæði inn Skyjak rafmagnsskæralyftur og Skyjack torfærulyftur sem eru dísilknúnar. Báðar gerðirnar eru mjög vinsælar og nýtast vel í íslenskum byggingariðnaði sem nú hefur vaknað til lífsins á ný eftir hrun.

Eigendur Vinnulyfta ehf. eru feðgarnir Eyvindur Jóhannsson og Jóhann Eyvindsson, en fyrirtækið var upphaflega stofnað árið 1993, þegar Eyvindur hóf innflutning á vinnulyftum til landsins og leigði út til iðnaðarmanna. Árið 1995 fékk Eyvindur einkaumboð fyrir Skyjack og Niftylift hér á landi. Urðu Skyjack skæralyfturnar fyrir valinu vegna þess hve áreiðanlegar þær þykja. Reyndust þær afskaplega vel til útleigu og það gilti einnig um Niftylift bómulyfturnar sem eru þægilegar í rekstri og þurfa lítið viðhald.

Árið 2007 seldi Eyvindur fyrirtækið en það var þá stærsta leiga og söluumboð landsins fyrir vinnulyftur. Nokkrum árum síðar hætti fyrirtækið störfum – en á þessu ári stofnuðu feðgarnir Eyvindur og Jóhann nýtt fyrirtæki um innflutning og sölu á vinnulyftum og fékk fyrirtækið gamla nafnið, Vinnulyftur ehf.

Eftir vandlega athugun á því besta á markaðnum var ákveðið að hefja aftur innflutning á tækjum frá Skyjack og Niftylift. Flytja Vinnulyftur nú inn tæki fyrir bæði gamla og nýja viðskiptavini fyrirtækisins. Hefur Skyjack og Niftylift verið afar vel tekið á markaðnum í sumar og meðal annars er Nifty 170 nú vinsælasta vinnulyftan á Íslandi.

Vinnulyftur leigja ekki út lyftur í dag heldur beina eingöngu kröftum sínum að innflutning og sölu, þá helst til verktaka og leigufyrirtækja, sem leigja lyfturnar til iðnaðarmanna og annarra aðila.

Nánari upplýsingar er að hafa í síma 774 2501 og með fyrirspurnum á netfangið eyvindur@simnet.is