fbpx
Fimmtudagur 23.maí 2024

Mæðgur og morð – Dóttirin vann, en móðirin eyddi

Ritstjórn DV
Sunnudaginn 29. desember 2019 21:00

Ekki missa af Helstu tíðindum dagsins í pósthólfið þitt

Lesa nánar

Það er margt í mörgu og það sannaðist í þorpinu Bristol, í Bucks-sýslu í Pennsylvaníu í Bandaríkjunum, 17. október árið 2010. Þar í kofaskrifli úti í skógi bjuggu mæðgurnar Rebecca Anne Olenchock og Kimberly Venose. Líf þeirra var ekki dans á rósum og Rebeccu dreymdi um betri tilveru annars staðar, en Kimberly, móðir hennar, virtist sátt við að hírast í greninu, sem klastrað var saman úr krossviðarplötum, og vildi ekki flytja.

Rebecca Olenchock
Dreymdi um betra líf.

Þrátt fyrir að Rebecca byggi ekki við munað eins og rafmagn og rennandi vatn var hún í fullu starfi sem gengilbeina og reyndi af fremsta megni að spara og koma sér upp sjóði.

Draumurinn fjarlægðist

Kornið á það til að fylla mælinn og það gerðist einmitt áðurnefndan dag, árið 2010.

Þannig var mál með vexti að Kimberly glímdi við heilsubrest af ýmsum toga og hafði fengið fengið framfærslueyri um nokkurt skeið. Að lokum var svo komið að skilnaðurinn taldist frágenginn og frekari framfærslu var ekki að vænta úr þeirri átt.

Kimberly varð háðari dóttur sinni, sem sá draum sinn um flutning úr skóginum og betra líf fjarlægjast með degi hverjum. Kornið fyllti mælinn.

Peningar hurfu

Þannig var mál með vexti að Rebecca var í vandræðum með að geyma það fé sem hún fékk fyrir vinnu sína. Engan hafði hún bankareikning og fátt um góða felustaði í hreysinu.

Þó hafði Rebecca afrekað að safna fyrir gamalli Kia-bifreið og fyrir tilstilli Söndru Mullican, talsmanns heimilislausra á svæðinu, fékk hún að geyma eitthvert fé í öryggisskáp í kirkju.

Það kom þó tíðum fyrir að Rebecca uppgötvaði að peningar sem hún faldi í kofa mæðgnanna „höfðu horfið“.

Hafnaboltakylfa og lampaolía

Sem sagt, Rebecca kom móður sinni fyrir kattarnef 17. október árið 2010 á „heimili“ þeirra mæðgna. Rebecca barði Kimberly með hafnaboltakylfu og hellti síðan lampaolíu yfir hana þar sem hún lá meðvitundarlaus inni í kofaskriflinu og bar að lokum eld að. Að þessu loknu skellti hún hengilás á hurðina og ók á brott.

Kimberly komst til meðvitundar, föt hennar voru alelda sem og kofinn, en engu að síður tókst henni að brjótast út um einn vegginn, staulast að veginum og öskra á hjálp. Andartaki áður en hjarta hennar gaf sig tókst henni að segja einum sjúkraliða að dóttir hennar hefði reynt að drepa hana.

Þriggja dag réttarhöld

Nokkrum dögum síðar fann lögreglan Rebeccu í Johnson City í Tennessee þar sem hún var með karli sem hún hafði kynnst í gegnum internetið.

Í járnum
Að lokum fyllti kornið mælinn.

Réttarhöldin tóku þrjá daga og úrskurðaði dómarinn, Albert Cepparulo, Rebeccu seka. Hann vísaði til föðurhúsanna þeirri fullyrðingu verjanda Rebeccu að ömurlegar heimilisaðstæður hefðu hrakið hana til örþrifaráða.

Vissulega hafði verjandi ýmislegt til síns máls, því alkunna var að nag- og skordýr voru ekki af skornum skammti og bættu ekki úr skák í því sem fyrir taldist ekki til mannsæmandi aðbúnaðar.

Veik en sek

Cepparulo sagði að Rebecca ætti við andleg vandamál að stríða, en væri engu að síður sek. Þann 12. október, 2011, fékk Rebecca lífstíðardóm fyrir morðið á móður sinni og 12 til 25 ára dóm fyrir íkveikju og dómana má hún afplána samtímis.

Einnig úrskurðaði Cepparulo að Rebecca skyldi njóta meðferðar vegna andlegra veikinda og annars sem þeim tengdist meðan hún afplánaði dóminn. Ó já.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Eyjan
Fyrir 3 klukkutímum

Netverslun með áfengi: Hagkaup opnar áfengisverslun í Skeifunni

Netverslun með áfengi: Hagkaup opnar áfengisverslun í Skeifunni
433Sport
Fyrir 3 klukkutímum

Kompany lætur Burnley vita að hann vilji fara til Bayern

Kompany lætur Burnley vita að hann vilji fara til Bayern
433Sport
Fyrir 4 klukkutímum

Maguire nær úrslitaleiknum ekki

Maguire nær úrslitaleiknum ekki
433Sport
Fyrir 4 klukkutímum

Tottenham tilbúið að selja Richarlison til að fjármagna kaup á öflugum sóknarmanni

Tottenham tilbúið að selja Richarlison til að fjármagna kaup á öflugum sóknarmanni
Eyjan
Fyrir 6 klukkutímum

EFTA dómstóllinn: Bönkunum óheimilt að hækka vexti fasteignalána – skulda neytendum tugi milljarða

EFTA dómstóllinn: Bönkunum óheimilt að hækka vexti fasteignalána – skulda neytendum tugi milljarða
Fréttir
Fyrir 6 klukkutímum

Ómar vill að lögregla taki fastar á ökuþrjótum á rafskútum 

Ómar vill að lögregla taki fastar á ökuþrjótum á rafskútum 
Eyjan
Fyrir 6 klukkutímum

Viðtöl við forsetaframbjóðendur: Arnar Þór Jónsson – Við erum ekki sama krúttsamfélag og 1980

Viðtöl við forsetaframbjóðendur: Arnar Þór Jónsson – Við erum ekki sama krúttsamfélag og 1980
433Sport
Fyrir 7 klukkutímum

Draumalið Bestu deildarinnar eftir sjö umferðir – Fimm lið eiga fulltrúa

Draumalið Bestu deildarinnar eftir sjö umferðir – Fimm lið eiga fulltrúa