Danshópurinn Boogie Storm er skipaður sex einstaklingum á aldrinum 17 til 24 ára. Hópurinn sló í gegn í Britain’s Got Talent um helgina.
Boogie Storm dansaði saman í Storm Trooper búningum og sýndi þar listir sínar. Það má segja að hópurinn hafi komið, séð og sigrað. Hópurinn hafði útbúið endurhljóðblöndun af lögunum Sax með Fleur East, Watch Me með Silentó, Gangnam Style með PSY og tóku samnefndan Gangnam Style dans. Sama átti við þegar lagið Single Ladies sem Beyoncé gaf út fyrir nokkrum árum fór á fóninn, þá var dansaður sami dans og í tónlistarmyndbandi lagsins.
Hinn kjaftfori Simon Cowell, sem er einn dómara þáttarins var yfir sig hrifinn, stóð á fætur og hleypti hópnum áfram með því að ýta á gullhnappinn.
Sjáðu myndbandið hér að neðan:
