Kristín Martha Hákonardóttir, verkfræðingur og ofanflóðasérfræðingur, vakti athygli á því að stjórnvöld hefðu hunsað áskorun síðan í fyrra þar sem fagfólk, þar á meðal Kristín sjálf, skoraði á stjórnvöld að ljúka sem fyrst uppbyggingu ofanflóðavarna, en samkvæmt Kristínu er aðeins búið að verja um helming þeirra svæða þar sem snjóflóðahætta er yfir ásættanlegum mörkum. Í ljósi hamfara vikunnar er þessi þögn stjórnvalda bagaleg og virðist lítið hlustað á fagfólk í ýmsum geirum – ekki bara í heilbrigðiskerfinu.