Maður nálægt var í dag dæmdur í 10 mánaða fangelsi í Héraðsdómi Reykjavíkur fyrir langan lista af afbrotum.

Manninum var meðal annars gefið að sök að hafa ráðist á 15 ára dreng fyrir utan verslun 10-11 Austurstræti þann 20. janúar 2020, slegið drenginn með flötum lófa í hægri öxl og sparkað í hægri síðu hans með hægri fæti, með þeim afleiðingum að drengurinn hlaut eymsli í hægri öxl og hnúalið. Hinn ákærði er sagður hafa beitt drenginn ógnunum og sýnt honum yfirgang og ruddalegt athæfi.

Fyrir utan þetta er maðurinn sakfelldur fyrir langan lista af þjófnaðarbrotum, húsbrotum og fíkniefnabrotum. Brotin eru samtals 22.

Hann er einnig sakfelldur fyrir aðra líkamsárás, en fimmtudaginn 21. maí 2020 réðst hann á mann fyrir utan Hlemmur Square hótel og sló hann með krepptum hnefa í andlit og hlaut maðurinn sprungna vör og mar á augnknetti af árásinni.

Hinn ákærði hefur setið í gæsluvarðhaldi frá því 13. september. Dregst sá tími frá 10 mánaða fangelsisdómnum.