Flugvél þurfti að nauðlenda á Stansted-flugvellinum í London, vegna sprengjuhótana. Frá þessu greina breskir miðlar.

Flugvélin er frá Air India, en hún var að fljúga frá Mumbai til Newark-flugvallarins í New York.

Flugvélin hafði flogið fram hjá London þegar ákvörðin var tekin um að snúa vélinni við og lenda henni.

Vélin var af gerðinni Boeing 777 en þegar hún hafði numið staðar á jörðu fór rannsóknarlið um borð til að sjá hvort að einhver sannleikur væri á bak við hótanirnar.

Svo virðist vera að hótanirnar hafi ekki verið byggðar á neinum grunni, samt er enn þá verið að rannsaka vélina.