Stór flugfélög á borð við United Airlines, American Airlines og British Airways eru meðal margra flugfélaga sem hafa nýlega bætt aðbúnað þeirra sem flúga á fyrsta farrými. Nú geta farþegar United Airlines til dæmis hvílt sig umvafðir silkimjúkum sængurfatnaði frá lúxusversluninni Saks Fifth Avenue á meðan á flugferðinni stendur. Önnur flugfélög eru einnig byrjuð að bjóða farþegunum upp á álíka lúxusvarning.

En þetta hefur ákveðinn vanda í för með sér því sumir farþeganna, sem fljúga á fyrsta farrými, eru greinilega svo ánægðir með aðbúnaðinn að þeir taka lúxusvarninginn með sér heim þegar þeir stíga frá borði. Fox News skýrir frá þessu.

Þetta segir auðvitað til sín hjá flugfélögunum því hér er ekki um ódýrar vörur að ræða. Flugfélögin reyna nú að finna lausnir á þessu því þau vilja gjarnan gera vel við þá farþega sem eru reiðubúnir til að greiða háar fjárhæðir fyrir flugmiðana sína.

Hjá United Airlines hefur verið gripið til þess ráðst að bjóða farþegum að kaupa sængurfatnað frá Saks Fifth Avenue á sérstöku tilboðsverði í netverslun fyrirtækisins. Þá hafa flugliðar verið beðnir að fylgjast vel með hvort farþegar séu að stela sængurfatnaðinum.