Erlendur ferðamaður sem féll í Vestari Jökulsá í Skagafirði fyrr í dag er látinn.
Neyðarlínunni barst tilkynning umslysið rétt fyrir kl. 13, lögregla, læknir, sjúkralið og björgunarsveitir fóru á vettvang. Óskað var eftir aðstoð þyrlu Landhelgisgæslunnar sömuleiðis.
Tilraunir á vettvangi til endurlífgunar báru ekki árangur og var viðkomandi úrskurðaður látinn. Ekki er unnt að greina frá nafni hins látna að svo stöddu.
Tildrög slyssins eru til rannsóknar hjá rannsóknardeild Lögreglustjórans á Norðurlandi vestra, eins og segir í tilkynningu lögreglunnar.
