Knattspyrnufélagið Valur hf. vill nú nýta lóð sína að Valshlíð 11 undir bílastæði til allt að þriggja ára.
Á afgreiðslufundi skipulagsfullfrúa þann 3. júlí síðastliðinn var lögð fram svohljóðandi fyrirspurn frá félaginu:
„Lögð fram fyrirspurn Knattspyrnufélagsins Vals, dags. 4. júní 2025, um tímabundið leyfi (ca þrjú ár) fyrir gerð allt að 500 gjaldskyldra bílastæða á lóð nr. 11 við Valshlíð 11, samkvæmt uppdr. ALARK arkitekta, dags. 6. júní 2025.“
Fyrirspurninni var vísað til umsagnar verkefnastjóra.
Ekki kemur fram nánar um hver eigi að geta nýtt stæðin, hvort þau eigi aðeins að vera fyrir iðkendur félagsins og gesti, eða hvort þau eigi að vera opin almenningi. Hinu megin við Miklubraut rís nýr Landspítali og mun vera fátt um stæði fyrir starfsfólk, sjúklinga og aðstandendur, enda stæðum þegar fækkað á lóð spítalans vegna nýbygginga.
Á vef um nýjan Landspítala segir: „Í bílastæða- og tæknihúsi (BT hús) verða stæði fyrir um 500 bíla og fyrir 200 hjóla-og rafhjólastæði. Gert er ráð fyrir að starfsmenn Landspítala nýti sér fjölbreyttan samgöngumáta svo og Borgarlínu sem þverar Hringbrautarsvæðið og stoppar í miðju svæðisins við Sóleyjartorgið.“
Meðfram lóðinni í Valshlíð 11 liggur göngu/hjólabrú yfir Hringbraut sem fyrir framan Læknagarð við Hvannargötu.
Samkvæmt gildandi deiluskipulagi fyrir Hlíðarenda frá árinu 2017 á að byggja æfingasvæði á lóðinni.
