Vladimir Pútín, forseti Rússlands, hefur boðað þriggja daga vopnahlé í stríðsrekstri sínum Úkraínu, dagana 8. til 11. maí. Segir hann ákvörðunina vera af mannúðarástæðum. CNN greinir frá.
Yfirlýsingin hefur mætt tortryggni af hálfu úkraínskra ráðamanna sem krefjast þess að Pútín samþykki tilllögu Bandaríkjamanna um lengra vopnahlé, en því hefur hann hafnað.
Pútín lýsti yfir 30 klukkustunda vopnahléi yfir páskana, sem Úkraínumenn féllust á, en þeir halda því fram að það vopnahlé hafi ekki haldið. „Ef Rússland vill virkilega frið þá þurfa þeir að lýsa yfir vopnahléi strax,“ segir Andrii Synhia, utanríkissáðherra Úkraínu. „Hvers vegna að bíða til 8. maí?“
Brian Hughes, talsmaður þjóðaröryggisráðs Bandaríkjanna, segir að Trump forseti fagni sérhverri viðleitni til að gera hlé á átökunum en hann hafi talað skýrt í þér veru að binda eigi enda á stríðið með friðarsamningi.
„Við erum nálægt markinu en ekki nógu nálægt,“ sagði Marco Rubio, utanríkisráðherra Bandaríkjanna, í kjölfar símtals hans við utanríkisráðherra Rússlands, Sergey Lavrov, á sunnudag.
