Tölvuárás var gerð á Grundarheimilin en það eru hjúkrunarheimilin Grund og Mörkin í Reykjavík og Ás í Hveragerði.

Þetta kemur fram í tilkynningu.

Samkvæmt tilkynningunni er takmarkað netaðgengi á Grundarheimilunum í varúðarskyni vegna tölvuárásar sem uppgötvaðist síðdegis í gær.

Áhrifa þessa gæti einnig á símkerfi og tölvupóst. Unnið sé að því með færustu sérfræðingum að leita að uppruna árásarinnar og koma kerfunum upp að nýju í forgangsröð út frá mikilvægi. Reikna megi með að áhrifin verði a.m.k. einhver næstu daga. Þá sé unnið að því að tilkynna málið til opinberra aðila, s.s. Persónuverndar, netöryggissveitarinnar Cert-IS og Embættis landlæknis.