Lögreglan á höfuðborgarsvæðinu lýsir eftir Karli Helgasyni, 78 ára, búsettum í Kópavogi. Karl hefur til umráða bifreiðina JTD56, sem er ljósgrár Suzuki.
„Karl, sem er grannvaxinn, gráhærður og 165 sm á hæð, er klæddur í svarta Icewear úlpu, svartar buxur og svarta skó. Karl hefur glímt við veikindi og á það til að villast í akstri,“ segir í tilkynningu.
Eru þau sem geta gefið upplýsingar um ferðir Karls, eða vita hvar hann er að finna, vinsamlegast beðin um að hafa tafarlaust samband við lögregluna í síma 112.
