The Ultimate Eagles koma til Íslands í fyrsta skipti og munu halda tónleika í Hörpu 21. febrúar á næsta ári. The Ultimate Eagles er almennt talin fremsta tónleikasýning heims til heiðurs Eagles.

The Ultimate Eagles hafa spilað frammi fyrir meira en milljón manns á heimsvísu með vel heppnuðum tónleikaferðalögum á Norðurlöndunum sem og víðar í Evrópu auk Ástralíu og á Nýja Sjálandi. The Ultimate Eagles eru orðnir stórt og sjálfstætt nafn, virtir og vel metnir af tónlistariðnaðinum og elskaðir af gríðarlega stórum aðdáendahópi.

Hljómsveitin samanstendur af fimm heimsklassa tónlistarmönnum sem hafa spilað á tónlistarhátíðum og deilt sviðinu með tónlistarmönnum eins og Queen, Status Quo, Roger Daltrey, Lulu, Van Morrison, Cliff Richard, Joe Cocker, Stevie Wonder, Paul McCartney, Ringo Starr og að sjálfsögðu sjálfum Eagles.

Á heimsvísu eru þeir taldir hinir bestu í heiðursflutningi á tónlist Eagles. Hljómsveitin flytur klassísk lög frá öllum hljómplötum og öllum tímabilum og má þar nefna fræg lög eins og Hotel California, Life in the Fast Lane, Take it Easy, Lyin’ Eyes, Desperado, Take It To The Limit, Peaceful Easy Feeling og fleiri.

The Ultimate Eagles tónleikarnir koma í kjölfarið á öðrum tónleikaviðburðum sem breska fyrirtækið Jamboree Entertainment hafa komið með til landsins. Í lok mánaðarins munu íslenskir áhorfendur geta notið kántrítónleikana A Country Night in Nashville þann 27. september og daginn eftir verða tvær sýningar á Mania: The ABBA Tribute en allar þrjár sýningarnar verða í Hörpu. Í september sl. kom fyrirtækið með Emilio Santoro sem Elvis í fyrsta skipti til Íslands í kjölfarið á sigri hans í The Ultimate Elvis Tribute Contest 2024.

James Cundall eigandi Jamboree Entertainment segir að fyrirtækið vilji setja sér það markmið að koma með alþjóðlega tónlistarviðburði af hæstu gráðu til Íslands og er spenntur að undirbúa fleiri slíka viðburði í Hörpu á næsta ári sem verða kynntir á næstu mánuðum.