„Þetta er al­ger­lega óá­sætt­an­legt fyr­ir ís­lenska skatt­greiðend­ur og við eig­um ekki að þola að vera með er­lenda rík­is­borg­ara hér á landi sem eru að brjóta af sér,“ seg­ir Diljá Mist Einarsdóttir, þingkona Sjálfstæðisflokksins, í samtali við Morgunblaðið í dag.

Morgunblaðið greinir frá því að hlutfall erlendra fanga í íslenskum fangelsum hafi vaxið mikið á undanförnum árum. Þannig voru 57% fanga í fangelsum hér á landi í fyrra af erlendu bergi brotin. Er vísað í svar Þorbjargar Sigríðar Gunnlaugsdóttur dómsmálaráðherra við fyrirspurn Diljár.

„Þetta er ógn­væn­leg þróun og óá­sætt­an­leg. Dóms­málaráðherr­ann hef­ur lýst yfir vilja til að bregðast við þessu, m.a. með því að leita leiða til að er­lend­ir fang­ar afpláni refsi­vist sína er­lend­is. Ég vil sjá ráðherr­ann stíga ákveðin og stór skref í þeim efn­um. Ég mun fylgja því eft­ir á Alþingi,“ seg­ir Diljá Mist við Morgunblaðið í dag.