Gunnar Lárus Hjálmarsson tónlistarmaður eða Dr. Gunni eins og við þekkjum hann best segir frá því á gamansaman hátt að þegar hann kom heim til sín í gær voru komnir vinnupallar utan á hús hans. Engar framkvæmdir voru fyrirhugaðar svo Dr. Gunni vissi.
„Það vissu aðrir eigendur hússins ekki heldur, komst ég að þegar ég hafði hringt í þá, nokkuð óðamála. Rúmönsku karlarnir sem höfðu stritað allan daginn við að koma þessu upp, voru samt nokkuð vissir um að stillansarnir ættu að vera þarna og voru meira að segja með mynd af húsinu mínu í símanum.
Til að gera langa sögu stutta kom loks í ljós að pallarnir áttu að fara á húsið við hliðina. Verða þá væntanlega komnir þangað þegar ég kem heim úr vinnunni í dag. Þetta var Kafka-innlegg dagsins með iðnaðarmannatvisti.“
Dr. Gunni nýtti svo tækifærið og benti á að íbúðin fyrir ofan er til sölu. „Geggjað næs stöff.“
Nánari upplýsingar um eignina má sjá hér.
