Patrick D. Proefriedt, sem myrti 3 vikna dóttur sína með lásboga, hefur verið dæmdur í 25 ára fangelsi. Proefiedt skaut að eiginkonu sinni sem hélt á dótturinni.

Tímaritið People greinir frá þessu.

Atvikið átti sér stað í New York borg í Bandaríkjunum þann 28. febrúar árið 2023. Patrick átti þá í miklu rifrildi við eiginkonu sína, Megan, sem endaði með að hann náði í lásboga og skaut að henni.

Megan hélt á nýfæddri dóttur þeirra, Elenor, sem fékk örina úr lásboganum í gegnum búkinn í gegnum handarkrikann. Örin hafnaði svo í bringu Megan og særði hana.

Sjá einnig:

Harmleikur í New York – Sakaður um að hafa drepið þriggja vikna dóttur sína með skoti úr lásboga

Því næst dró Patrick örina úr sárinu og tók farsímann af Megan til að hún gæti ekki hringt á neyðarlínuna. Hann faldi símann í húsinu og flúði svo af vettvangi á eina bíl hjónanna.

Megan náði að finna símann og hringja á neyðarlínuna en allt kom fyrir ekki. Elenor var látin.

Patrick játaði manndráp af gáleysi en var dæmdur fyrir morð af dómara í New York. Hann fékk eins og áður sagði 25 ára fangelsisdóm fyrir ódæðið.