Þó að kórónuveiran sem veldur Covid-19 sé ekki mjög áberandi í íslenskri umræðu er „sú skæða“ eins og hún var gjarnan kölluð enn að greinast hjá fólki.
Guðrún Aspelund sóttvarnalæknir segir í samtali við
Morgunblaðiðí dag að alla jafna hafi um tíu smit verið að greinast á viku.
Í blaðinu er greint frá því að í lok maí hafi farið að bera á fleiri smitum og fór talan upp í um tuttugu smit á viku. Það gerðist í kjölfar hópsýkingar á Landspítalanum. Segir Guðrún að ekki sé útlit fyrir að það hafi verið upphaf nýrrar smitbylgju líkt og gerðist í fyrrasumar.
„Við erum enn þá að fylgjast með hvort þetta sé byrjunin á einhverju en okkur fannst ekki alveg ástæða til að álykta það,“ segir Guðrún við Morgunblaðið.
