Maður sem varð fyrir stórfelldri líkamsárás í Reykjavík þann 31. maí síðastliðinn er látinn.
Þetta kemur fram í fréttum RÚV.
Í upphaflegri tilkynningu lögreglu um málið kom fram að árásin hefði verið framin í hverfi 105 og að þolandinn hefði verið fluttur þungt haldinn á sjúkrahús en í frétt RÚV kemur fram að atvikið hafi átt sér stað við Samtún.
Maður var síðar handtekinn grunaður um árásina en síðan sleppt og ekki var farið fram á gæsluvarðhald.
RÚV segist hafa heimildir fyrir því að ráðist hafi verið á hinn látna og honum ýtt niður steyptar tröppur.
