Give Me Sport greinir hefur birt ansi athyglisverða frétt þar sem fjallað er um mál Manchester United á Englandi.
United er í leit að sóknarmanni fyrir næsta tímabil en liðið vildi fá Liam Delap sem er á leið til Chelsea frá Ipswich.
Tveir Frakkar eru sagðir vera á óskalista United að sögn GMS og er einn af þeim Jean-Philippe Mateta hjá Crystal Palace.
Mateta hefur staðið sig vel með Palace síðustu tvö ár en hvort hann sé reiðubúinn að leiða sóknarlínu stórliðs United er alls ekki víst.
Hinn maðurinn sem er nefndur á nafn er Randal Kolo Muani sem spilar með PSG en lék með Juventus á láni seinni hluta tímabils.
Mateta myndi kosta United um 20-30 milljónir punda og Kolo Muani er talinn vera fáanlegur fyrir 35 milljónir.
