Aðalmeðferð yfir Ymi Art Runólfssyni, sem ákærður hefur verið fyrir morð á 68 ára gamalli móður sinni, á heimili hennar í Breiðholti í fyrrahaust, verður við Héraðsdóm Reykjavíkur í næstu viku, þann 5. júní.

Í ákæru er Ymur sagður hafa banað móður sinni með því að stinga hana að minnsta kosti 22 sinnum með hnífi í brjóstsvæði, handleggi og hendur. Hnífstungurnar gengu m.a. inn í hægra lunga, sem leiddi til dauða hennar.

Sjá einnig: Blóðidrifin saga Yms – Stakk föður sinn og banaði móður sinni

Að sögn Karls Inga Vilbergssonar, saksóknara hjá Embætti héraðssaksóknara, liggur ekki fyrir hvort þinghald verið opið eða lokað í málinu. Segir hann ekki vera búið að taka afstöðu til þess. Lokuð þinghöld í morðmálum hafa færst í vöxt undanfarin ár, að einhverju leyti vegna þess að í sumum tilvikum hafa gerendur eða brotaþolar verið undir lögaldri.

Karl Ingi segir að ekki liggi fyrir hvað hann krefjist þungrar refsingar yfir Ymi. Ennfremur segir henn að ekki liggi fyrir hvort Ymur er metinn sakhæfur eða ekki. „Yfirsakhæfismat er í vinnslu, er ekki komið, en hann var metinn ósakhæfur í undirsakhæfismati,“ segir Karl Ingi. Hann segir að þinghald sé ekki frekar lokað sé sakborningur metinn ósakhæfur.