Silk Road var stofnuð á mykranetinu svokallaða árið 2011 og varð á skömmum tíma að ógnarstórum svörtum markaði þar sem vopn og eiturlyf gengu meðal annars kaupum og sölum.
Ulbricht var handtekinn árið 2013 vegna aðkomu sinnar að vefsíðunni. Hann var þá aðeins 29 ára gamall en þá þegar, aðeins tveimur árum eftir að Silk Road fór í loftið, orðinn margfaldur milljarðamæringur.
Ulbricht hefur afplánað dóm sinn í alríkisfangelsi í Arizona og segist Trump hafa hringt í móður Ulbrichts og látið hana vita af fréttunum. Segjast lögmenn hans vonast til þess að hann verði látinn laus úr fangelsi innan fárra daga.
Með þessu má segja að Trump hafi staðið við stóru orðin því hann sagði í kosningabaráttunni að hann myndi vinna að náðum Ulbricht ef hann yrði kjörinn forseti.
