Ingi Freyr Vilhjálmsson, blaðamaður á Heimildinni, mun hefja störf hjá RÚV í sumar. Ingi greinir sjálfur frá þessu á Facebook-síðu sinni en hann er þrautreyndur blaðamaður sem oft hefur verið tilnefndur til verðlauna fyrir skrif sín.

„Í ágúst mun ég hefja störf á fréttastofu RÚV. Ég mun meðal annars vinna efni í útvarpsþáttinn Þetta helst.  Ég er mjög spenntur fyrir þessu verkefni og hlakka til. Það verður gaman að vinna við ljósvakamiðla eftir að hafa unnið á prent- og netmiðlum í rúmlega fimmtán ár samfleytt, síðastliðin sjö á Stundinni/Heimildinni,“ segir hann.

Ingi var blaðamaður og síðar fréttastjóri DV og skrifaði mikið um mál tengd íslenska efnahagshruninu.