Fyrstu tölur eru komnar úr Reykjavíkurkjördæmi-Norður í forsetakosningunum en þar hafa verið talin 21.152 atkvæði og einnig úr Norðvesturkjördæmi, þar hafa verið talin 7.052 atkvæði. Halla Tómasdóttir leiðir enn á landsvísu en nú munar um 7 prósentustigum á henni og Katrínu Jakobsdóttur en þegar síðustu tölur komu munaði um níu prósentustigum.
Halla Tómasdóttir er eins og staðan er núna með 33,6 prósent
Katrín Jakobsdóttir hefur 26,4 prósent
Halla Hrund Logadóttir er með 14,7 prósent
Jón Gnarr hefur 10,7 prósent
Baldur Þórhallsson hefur 8,3 prósent
Arnar Þór Jónsson hefur 4,8 prósent
Aðrir frambjóðendur hafa eins og raunin hefur verið síðan fyrstu tölur birtust minna en 1 prósent.
Katrín Jakobsdóttir hefur játað ósigur sinn í viðtali við RÚV og hefur óskað Höllu Tómasdóttur til hamingju og segir ljóst að hún verði næsti forseti Íslands. Þegar Katrín var spurð hvort hún myndi bjóða sig fram aftur til forseta eftir að hún hafði lýst ánægju með ferðir sínar um landið í kosningabaráttunni sagði hún einfaldlega:
„Þetta geri ég ekki aftur.“
