Ástralir eru í sárum eftir að fertugur maður gekk berserksgang í  hníf verslunarmiðstöð í Sydney og stakk sex einstaklinga til bana þar til hann var skotinn til bana af lögreglu. Árásarmaðurinn hefur verið nafngreindur í áströlskum fjölmiðlum en hann hét Joel Cauchi, var frá Queensland og var fertugur að aldri. Hefur komið fram að hann hafi glímt við andleg veikindi.

Skömmu eftir árásina fór nafn hins tvítuga háskólanema, Ben Cohen, að trenda á samfélagsmiðlum sem hinn meinti morðingi. Það virðist aðeins hafa verið vegna þess að Cohen þykir líkur árásarmanninum. Einhver netverji hefur varpað nafni hans fram og í allri geðshræringunni sem ástralska þjóðin upplifði í kjölfar ódæðisins fór nafn hins saklausa Cohen á flug.

Skilaboðum og símtölum ringdi yfir Cohen og fjölskyldu hans. Í viðtali við News.com í Ástralíu sagði Cohen að fólk verði að hugsa áður en að það varpar fram slíkum meiðandi fullyrðingum á netinu og átti sig á afleiðingunum fyrir viðkomandi ef orðrómur er ekki sannur.

„Það er mjög hættulegt hvernig fólk getur búið til slíkar sögur og eyðilagt þannig líf fólks,“ sagði Cohen.