Rafmagnslaust er víða á Norðurlandi, til að mynda í Dalvík og nærsveitum sem og sums staðar á Akureyri.
Samkvæmt upplýsingum frá Landsneti er unnið að því að koma rafmagni aftur á.
„Teinahreinsun varð á 66KV hlið tengivirkisins á Rangárvöllum við aðgerð. Rafmagnslaust er út frá Rangárvöllum ásamt Dalvík og nærsveitum. Unnið er að því að koma rafmagni aftur á,“ segir á heimasíðu Landsnets.
Samkvæmt heimildum DV er einnig rafmagnslaust sums staðar á Akureyri. Til að mynda í Giljahverfi og Glerárhverfi.
