The Guardian skýrir frá þessu og hefur eftir yfirmanni úkraínska hersins í Sumy að innrásin hafi gengið betur en vonast var til og að aðeins 15 úkraínskir hermenn hafi þurft á læknisaðstoð að halda á fyrsta degi hennar.
Hann sagði að suma daga séu allt að 150 rússneskir hermenn teknir til fanga.
Hvað varðar þá rússnesku hermenn, sem gættu landamæra í Kúrsk, þá sagði yfirmaðurinn að flestir séu ungir hermenn sem gegna herskyldu og búi yfir litlum bardagaanda. „Þeir vilja ekki berjast við okkur,“ sagði hann.
