Skipstjóri og stýrimaður fraktskipsins Longdawn hlutu báðir skilorðsbunda fangelsisdóma í Héraðsdómi Reykjaness í dag. Játuðu þeir sök sína í máli sem snerist um að þeir hafi skilið skipstjóra strandveiðibátsins Höddu HF í sjávarháska eftir að hafa siglt á bátinn.
Skipstjórinn, Eduard Dektyarev, hlaut 12 mánaða skilorðsbundinn fangelsisdóm en hann var bæði drukkinn og undir áhrifum fíkniefna þegar áreksturinn átti sér stað. Stýrimaðurinn, Alexander Vasilyev hlaut átta mánaða skilorðsbundinn dóm. Saksóknari hafði farið fram á þessa refsingu skipstjórans en krafist þess að stýrimaðurinn yrði dæmdur í níu mánaða skilorðsbundið fangelsi.
Þá þurfa mennirnir að greiða samtals 2,5 milljónir króna í sakarkostnað. Dektyarev um 1,3 milljónir en Vasilyev rúmlega 1,2 milljónir.
Fram hefur komið að Vasilyev áttaði sig á árekstrinum og lét Dektyarev skipstjórann vita. Hann fyrirskipaði stýrimanninum að halda áfram för fraktskipsins. Voru þeir báðir ákærðir fyrir að hafa stofnað lífi skipstjóra Höddu í hættu á ófyrirleitinn hátt sem og broti á siglingalögum.
Athygli vekur að það tók innan við 2 mánuði að rannsaka, ákæra og dæma í málinu
Hér má lesa dóm Héraðsdóms Reykjaness.
