Færsla sem birtist í Facebook-hópnum Vertu á verði – eftirlit með verðlagi í gærkvöldi hefur vakið talsverða athygli en í henni benti málshefjandi á hrópandi ósamræmi á annars vegar auglýsingaskilti fyrir utan staðinn og hins vegar á sjálfum matseðlinum inni á staðnum.
Sem dæmi var grísk jógúrt með berjum og hnetublöndu sögð kosta 1.040 krónur á skiltinu fyrir utan en á matseðlinum var verðið nokkuð hærra, eða 1.190 krónur. Samskonar misræmi var í öðrum verðmerkingum þar sem verðið á matseðlinum var hærra en á skiltinu fyrir utan.
Margir hafa lagt orð í belgu í umræðum undir færslunni þar sem ýmsir benda á að þetta sé ekki löglegt og kalla eftir því að Neytendasamtökin eða viðeigandi eftirlitsstofnanir bregðist við. Sumum er heitt í hamsi og segir til dæmis einn að þetta sé „klárlega staður til að forðast“.
Þá eigi það að vera þannig að lægra verðið gildi en málshefjandi segist hafa fengið þau skilaboð að verðin á matseðlinum væru þau sem giltu.
DV bar málið undir Svein sem viðurkenndi fúslega að svona ætti þetta ekki að vera. Málið sé þannig vaxið að nýir matseðlar hafi komið úr prentun og verið settir í umferð áður en merkingar á nýtt skilti komu úr prentun. Eftir að hafa fengið vinsamleg tilmæli um þetta hafi skiltið nú verið tekið úr umferð.
„Þetta var ekki með vilja gert og alls engin ásetningur. Við biðjumst afsökunar á þessu misræmi og munum passa að þetta komi ekki fyrir aftur.“
