Á vef Ísland á filmu sem Kvikmyndasafn Íslands heldur úti má finna fjölmörg myndskeið af sögu íslensku þjóðarinnar.
Í myndskeiðinu hér fyrir neðan sem er tekið af Ósvaldi Knudsen kvikmyndagerðarmanni er sýnt hvernig steinsteypt hús voru byggð í Reykjavík á sjötta áratugnum. Öflugar vinnuvélar og nútímalegar vinnuaðferðir flýta byggingu nýrra húsa og ásýnd höfuðborgarinnar verður nútímalegri. Ný íbúðahverfi í Hlíðunum, Holtunum og víðar þóttu nýtískuleg á þessum árum. Sýnd eru myndskeið af merkilegum byggingum svo sem Arnarhvoli, Landspítalanum við Hringbraut, Listasafni Einars Jónssonar, Þjóðminjasafninu og Landakotskirkju. Neskirkja er risin en ekki er búið að ganga frá lóðinni eða malbika göturnar í kring.
Myndskeiðið er úr lengri kvikmynd, sem horfa má á hér:
