Þetta þótti manninum skrýtið, enda var bifreið hans í Kópavogi þegar meint brot var framið og þá var myndin af hinum brotlega bíl af hvítri Suzuki Swift-fólksbifreið.
Morgunblaðið segir frá þessu máli í dag en mistök Bílastæðasjóðs má sennilega rekja til þess að bílnúmer bílanna tveggja eru lík. Í frétt Morgunblaðsins kemur fram að fulltrúi bílastæðasjóðs hafi engu að síður mælt með greiðslu sektarinnar og fór ökumaðurinn að þeim ráðum þó augljóst væri að hann hefði ekkert stöðubrot framið.
Bent er á það að sektin hafi borist á föstudegi og verið greitt á sunnudegi. Það var svo miðvikudaginn 22. maí að manninum var sagt að sektin yrði endurgreidd – en rúmum hálfum mánuði síðar bólar ekkert á endurgreiðslunni.
Maðurinn gagnrýnir þetta fyrirkomulag í samtali við Morgunblaðið. Hart sé lagt að fólki að greiða sektir sem ekki eiga rétt á sér en á sama tíma taki langan tíma að fá þær endurgreiddar. Í frétt blaðsins er haft eftir fulltrúa bílastæðasjóðs að gjaldið sé endurgreitt þegar endurupptökubeiðni hefur verið samþykkt og réttar upplýsingar liggja fyrir.
