Vitað er að einræðisstjórnin í Norður-Kóreu hefur aðstoðað Rússa í stríðsrekstrinum í Úkraínu með því að leggja þeim til skotfæri fyrir fallbyssur og flugskeyti. Þetta veitir Norður-Kóreu gullið tækifæri til að prófa sín eigin vopn í raunverulegu stríði.

Þetta sagði Charles Flynn, háttsettur bandarískur herforingi, í samtali við Bloomberg og sagði þetta hugsanlega geta hjálpað Norður-Kóreu við að betrumbæta flugskeyti sín.

„Ég held að norðurkóreski herinn hafi ekki á síðari tímum haft aðgang að vígvallartilraunastofu eins og Rússar gefa þeim tækifæri til að hafa í Úkraínu,“ sagði Flynn.

Talið er að Norður-Kórea hafi látið Rússum rúmlega þrjár milljónir fallbyssukúla í té auk fjölda flugskeyta.