Þeir sem greindir eru með ADHD eru líklegri en aðrir að deyja ótímabærum dauða. Ný sænsk rannsókn virðist hins vegar benda til þess að lyfjagjöf minnki þessar líkur.

CNN fjallar um niðurstöður rannsóknarinnar sem lesendur geta kynnt sér hér.

Fylgst var með um 150 þúsund Svíum á aldrinum 6 til 64 ára, sem greindust með ADHD á tímabilinu 2007 til 2018, og hver dánartíðni þeirra var tveimur árum eftir greiningu.

Munurinn um 19% á ótímabærum dauðsföllum milli hópanna

Niðurstöðurnar voru þær að dauðshlutfall þeirra sem ekki fengu lyf voru 48 dauðsföll hjá hverjum 10 þúsund einstaklingum. Hjá hópnum sem fékk einhverskonar lyf var hlutfall dauðsfallra hins vegar talsvert lægra eða 39 dauðsföll hjá hverjum 10 þúsund einstaklingum. Alls var munurinn því um 19% hjá þessum tveimur hópum.

Lyfjagjöf við ADHD minnkaði líkurnar á dauðsföllum af völdum slysa, sjálfsvíga sem og dauðsfalla útaf fíknivandamálum, til dæmis útaf of stórum skammti eiturlyfja. Þá lækkuðu líkurnar á ótímabærum dauða meira hjá körlum en konum.

Mikilvægt að greina í tæka tíð

Rannsakendur segja að niðurstöðurnar sýni hversu mikilvægt sé að greina ADHD í tæka tíð og sé eitthvað fyrir lækna og sjúklinga að íhuga þegar ákveðið er hvernig eigi að meðhöndla röskunina.

Þá verði einnig að hafa í huga hversu mikilvægt sé að leysa úr skorti á ýmsum lyfjum sem notuð eru við meðhöndlun ADHD en sá skortur hefur verið viðvarandi um nokkurt skeið.