Morgunblaðið segir í dag frá þessari athyglisverðu ákvörðun Ómars en hann lætur ekki deigan síga þó að gríðarleg óvissa ríki meðal Grindvíkinga þessa dagana vegna eldgosa og jarðhræringa.
Ómar er einn eigenda Þórkötlustaða ásamt Grindavíkurbæ og segist hann vilja sýna fólki fram á að landið sé byggilegt. Það sé ekkert nýtt að fólk hafi þurft að færa sig um set út af hraunrennsli.
„Ef það rennur þá rennur það bara og þá byggir maður sér einhvers staðar annars staðar,“ segir Ómar Smári við Morgunblaðið.
Ómar segist efast um að málið fái fljóta afgreiðslu enda hafi bæjaryfirvöld í Grindavík um nóg að hugsa þessa dagana.
