Guðni Ágústsson, fyrrverandi alþingismaður og ráðherra, hefur áhyggjur af þróun mála þegar íslensk tunga er annars vegar. Guðni stingur niður penna í Morgunblaðinu í dag þar sem hann segir atvinnulífið vera íslenskunni verst.

„Íslensk­an á í vök að verj­ast, oft­ast snú­ast umræðurn­ar um áhyggj­ur af börn­um og ung­ling­um. Þeir sem af minnstri virðingu um­gang­ast hins veg­ar ís­lensk­una eru eig­end­ur fyr­ir­tækj­anna. Í vax­andi mæli eru fyr­ir­tæk­in lát­in bera er­lend nöfn, nefnd upp á ensku og ekk­ert er sinnt um að kenna er­lendu starfs­fólki hingað komnu að skilja eða tala ís­lensku,“ segir Guðni í grein sinni og nefnir til dæmis að milljónir hafi verið lagðar í auglýsingar á síðasta ári til að breyta nafni Rúmfatalagersins í Jysk og hamrað í þjóðina í sjónvarpsauglýsingum.

„Hvar sem maður fer um versl­an­ir og landið eru er­lend­ir starfs­menn á veit­inga­stöðum og versl­un­um mál­laus­ir á ís­lensku. Eig­end­ur fyr­ir­tækj­anna virðast telja þetta allt í lagi og fæst­ir gera nokkuð í að kenna sínu fólki lág­marks­ís­lensku. Mér er sagt að mörg hjúkr­un­ar­heim­ili séu mönnuð með ágætu er­lendu starfs­fólki sem kunni ekki stakt orð í mál­inu. Megnið af eldra fólki vill geta talað við hjúkr­un­ar­fólkið og það fólk sem því þjón­ar. Margt af þessu ágæta er­lenda fólki er komið til að verða hluti af þjóðinni og sest hér að mál­laust,“ segir hann.

Guðni segir að Lilja Dögg Alfreðsdóttir, menningar- og viðskiptaráðherra, hafi sýnt mikinn vilja til að verja málið og með nokkrum árangri opnað augu fólks fyrir því að tungan er okkur allt.

„Flug­stöðin, and­dyri Íslands, varð að taka upp regl­ur og virða tungu­málið. Gangirðu eft­ir Lauga­veg­in­um í Reykja­vík er ör­ugg­lega þriðja hvert fyr­ir­tæki nefnt upp á ensku og þannig er þró­un­in um allt land,“ segir Guðni og heldur áfram:

„Nokk­ur ís­lensk orð eru alþjóðleg svo sem Geys­ir, Gull­foss, Bláa lónið, Þing­vell­ir, Eyja­fjalla­jök­ull, norður­ljós svo eitt­hvað sé nefnt. Ekki hvarfl­ar að eig­end­um hót­ela á þess­um stöðum að nefna þau upp á ensku! Hinn vin­sæli ferðamannastaður Bláa lónið er á Norður­ljósa­vegi en samt er nýtt hót­el á þess­um ramm­ís­lenska stað nefnt upp á ensku Hotel Northern Light Inn.“

Guðni segir að stutt sé síðan lög þvinguðu þá sem gerðust íslenskir ríkisborgarar til að breyta nafni sínu og taka upp íslensk lög. En það var sársaukafullt og gekk ekki upp, segir hann.

„En und­ir­ritaður skor­ar á Lilju Al­freðsdótt­ur og Alþingi að festa í sessi að öll fyr­ir­tæki á Íslandi beri ís­lenskt nafn þótt undirnafn kunni að vera á ensku. Enn frem­ur að það ágæta fólk sem hingað kem­ur í at­vinnu­leit, svo ekki sé talað um til bú­setu, eigi þess kost að læra ís­lensku, öðru eins fjár­magni er nú varið til út­lend­inga­mál­anna. Landið, tung­an og sag­an gera okk­ur að þjóð.“